Recuérdase a los visitantes que dellos xacimientos arqueolóxicos, sobre manera les cueves con arte rupestre, son espacios interiores confinaos, con pasos estrechos y con una visita que rique d’un tiempu de permanencia relativamente llargu, lo qu’aumenta’l riesgu de contaxu. Por esta razón, ye imprescindible aumentar les midíes hixéniques y de prevención necesaries.

Nes visites a los xacimientos arqueolóxicos d’Asturies, han tenese en cuenta estes normes:

  • Ye mui aconseyable acutar primero y, nel so casu, la compra antemanada d’entrada. En tou casu, va ser imprescindible nes cueves con arte rupestre abiertes al públicu. 
  • Con calter obligatoriu, tolos visitantes tienen que dir provistos de mázcara, cubriendo la nariz y la boca. 
  • Los cupos de visitantes, la frecuencia de grupos, la duración de les visites y el percorríu van afacese a les condiciones de cada xacimientu, cola mira de caltener les midíes hixéniques de prevención establecíes poles autoridaes sanitaries.
  • Los visitantes han tomar les midíes afayadices pa protexer la so salú y evitar contaxos, amás de cumplir los conseyos de les autoridaes sanitaries. 
  • Ha mirase de caltener la distancia de seguranza de la que se faiga la visita, amás d’en tolos casos d’interacción col personal y los demás visitantes.
  • Han evitar tocar los güeyos, la nariz y la boca, y han evitar saludos de cortesía que precisen contactu físicu. 
  • Tapar la boca y la nariz con pañuelos desechables al tusir o espirriar, sobre manera dientro la cueva, o nel so casu usar el coldu pa protexese. 
  • Eviten la visita quien presenten síntomes catarrales (moquéu, conxestión nasal o conxuntival, tos seca o productiva, llagriméu o fiebre).
  • En tou momentu han siguise les indicaciones de los guíes. 
  • Los responsables de la xestión van poder adoptar toles midíes adicionales que se consideren necesaries a tenor de les característiques específiques del sitiu y les condiciones de visita pública pa cumplir coles midíes de prevención y hixene establecíes poles autoridaes sanitaries.

La superación d'esta crisis hai de llevar nun futuru cercanu a la reflexón sobre l'usu del patrimoniu nel nuevu contestu social deriváu de la pandemia. Mentanto, ye deber de tolos axentes implicaos poner en marcha midíes de protección pa les persones y garantizar el so esfrute por toos nós y poles xeneraciones futures.

Más información: